ZEA MAYS

Máis de dúas décadas renovando o pop – rock en euskera

A banda bilbaína Zea Mays conxuga a pétrea tradición vasca coa sutileza do pop-rock contemporáneo, dando corpo a unha proposta musical única, na que finas melodías de guitarra e coidados toques de sintentizador e teclado se mesturan sobre unha potente e elegante base rítmica para arroupar a poderosa voz de Aiora Renteria. Unha front girl de armas tomar, que atrapará ao público do SonRías Baixas coa enerxía e coa sonoridade das letras en euskera.

Pop – rock de última xeración con séculos de historias ás súas costas

Zea Mays fai bandeira da súa identidade cun último traballo que leva o orgullo, Harro, no nome, para non chamar a enganos. A banda vasca chama a resistir o temporal e saír a flote, a recoñecer a fortaleza que dan o amor e a amizade e a reconciliarese con esa parte da humanidade na que hai tempo que perdemos a fe. E faino con desgarradores riffs e elegantes liñas de guitarra que ceden protagonismo aos sintetizadores, con potentes bases rítmicas que animan a bailar e con melodías escuras que dan paso a cancións emocionantes e luminosas como o hit Negua joan da ta, que leva máis de 4 millóns de reproducións en Youtube.

Formación

Asier Basabe – Batería
Rubén Gonzalez – Baixo
Piti Imaz – Guitarra
Aiora Renteria – Voz

 

Discografía

2016 Harro
2000 Elektrizitatea
2007 Morphina
2002 Harrobian
2010 Era
2013 Da
2005 Sortuz, Grabitatearen Aurka
1998 Zea Mays

 

En Harro, nuestro octavo disco, conviven sonidos “salvajes, sencillos, oscuros y alegres”