A zona de acampada do SonRías Baixas está situada nunha contorna inmellorable, a 3 minutos tanto do recinto do festival como da praia. Ao emprazarse no centro da vila de Bueu, poderás gozar de todas as comodidades e servizos a escasos metros da acampada. Poderás acceder á mesma dende a rúa Pazos Fontenla 73 (acceso principal) e tamén podes acceder dende a rúa Alexandre Bóveda
A acampada ten un custo de 10€ + gastos de xestión e dará acceso á zona de Acampada durante os 3 días do Festival,independentemente do tipo de entrada que teñas, polo que poderás acampar tendo abono de 3 días ou entrada para un só día. Podes adquirila no proceso de compra da túa entrada para o festival ou engadíndoa dende aquí, só precisarás o código da túa entrada. A zona de acampada é limitada, adquírea durante o proceso de compra e non te quedes sen ela.
A zona de acampada disporá de todos os servizos básicos para que a túa estancia sexa o máis cómoda posible. Contará con baños, duchas, control de accesos as 24 horas, servizo de limpeza e recollida de residuos. Tamén haberá un espazo reservado para persoas con mobilidade reducida.
Moitas grazas pola túa colaboración.
Se tes algunha dúbida contacta connosco aquí